ИСХРАНА ВО БРЕМЕНОСТА

Основно правило во бременоста: нетреба да се јаде за двајца.
Најдобро време да се започне со здравата исхрана е пред зачнување, со што правите добар почеток за себе и за бебето. Уште пред бременоста телесната тежина треба да ја доведете во нормала, како не би се грижеле за вишокот на килограми за време и по бременоста.

Ова е важно и затоа што прекумерната телесна тежина е голем здравствен проблем како за идната мајка, така и за бебето, затоа што пополните мајки се повеќе склони на ризик од побацување, поголема веројатност да страдаат од предеклампсија и во голем процент се пораѓаат со царски рез. Слабоста на жената исто така може да го зголеми ризикот од побацување.

Доколку веќе имате здрави навики во исхраната, во бременоста е потребно многу малку промени. Зголемени се потребите за калории и тоа во втората половина на бременоста доволно е 300 до 500 калории, малку се зголемени потребите за белковини, минерали, витамини и вода (треба да се внесува најмалку 2,5л течности во текот на денот).

Колку навистина е потребно да го зголемите внесувањето на храната ќе одредите вие во консултација со вашиот лекар, затоа што тоа зависи од вашата возраст, тежина, нивото на активности и индивидуалниот метаболизам.

Едно од основните правила во бременоста е дека не треба да се јаде за двајца. Без оглед на зголемениот апетит во текот на бременоста и малку забрзаниот метаболизам, потребата за енергија не е многу зголемена и затоа не треба да се јаде многу, туку квалитетно. Идеално зголемување на телесната тежина во текот на бременоста е 11 до 12кг, а горната граница е 15кг.

Треба да се обрне внимание на хигиената на храната која се подготвува: месото треба добро да се измие и термички добро да се обработи, со што се спречува инфекција со токсоплазма, која може да биде многу штетна за бебето. За да се елиминира опасност од зараза со салмонела, јајцата не смеат да бидат сирови.

Поради ризик од инфекција со листерија треба да се избегнува зрели меки сирења како што се камембера и бриа. Треба да се пие само пастеризирано млеко во кое нема штетни бактерии.

За правилна исхрана, бремената жена мора да внесува храна од сите основни групи на храна, а тоа се: месо и неговите алтернативи богати со белковини, леб и житарки, овошје и зеленчук, млеко и млечни производи.

Месото треба да биде немасно, варено или печено на минимум маснотија. Најмалку еднаш неделно треба да се јаде риба. Алтернатива на месото може да бидат и јајцата, мешункаст зеленчук и ореви. Житарките се добар извор на витамини (посебно од групата Б) и влакна.

Треба да се јадат производи од интегрално брашно (леб и пецива), мусли, ориз, тестенини, компир, пченка. Млеко и млечни производи треба да се внесуваат секојдневно, но во нискокалорична форма (обезмастено млеко). Најважен извор на минерали и витамини се овошјето и зеленчукот.

Оваа храна е збогатена и со влакна кои го спречуваат запекот и помагаат во варењето на храната. Намирниците како што се алкохол, кофеин, газирани пијалоци и никотин треба да се отстранат од употреба.

На бремените жени им се препорачува во текот на денот да имаат три главни оброка и два меѓуоброка, кога можат да јадат овошје, јогурт или сиров зеленчук. Навистина е важно да се намали внесувањето на шеќер и благо, како што се кексови, колачи и газирани сокови и внесување на масна храна.

Во повеќето случаи, потребно е да се внесуваат витамински додатоци, но задолжителна е консултација со вашиот лекар или фармацевт.

Енци Менци Дел од Вашето Семејство.